Les mots surlignés font l'objet d'une note
1Monseigneur, ainsy que je revenoys d’Aix où j’estoys
2allé pour l’exécution d’ung arrest que j’optins il y a huyt
3ou neuf moys contre la vefve de feu mon honcle, j’ai trouvé
4Gellibert sur son partement pour vous aller trouver, de quoy
5j’ai esté fort ayze pour avoyr moyen de vous escripre,
6ce que je n’avoys heu il y a plus d’ung moys, car j’ay
7demouré à Aix envyron troys sepmaines et encores, il
8fault que je y retorne après Noël. Je n’y ay aprins rien
9de nouveau qui ne vous soyt vieulx ; et sy y laisser monsieur
10le conte de Carssès et madame avec fort bonne compagnie
11de gentilzhommes, vray est qu’il y en y a autant pour prossès
12que pour plaizir. Monsieur de Pourrières me dit lors que je prins
13coger de mondit seigneur de Carssès, qu’il avoyt nouvelles et
14assurées que viendriés faire ces prochaines festes en ce
15païs et que monsieur le prézident Truchon y viendroyt avec
16vous ; toutesfoys, je ne pensse pas que nous ayons ce
17bien de vous y veoir sy tost, car vous n’en promettés rien
18par votre dernière despêche dans laquelle il vous a pleu
19avoyr souvenance de moy. Mays je n’ay encores veue la lettre
20car ma femme me l’envoyayt à Aix par ung qui passoyt
21par Pertuis et je m’en revenoit par Cadenet pour veoyr
22monsieur le viconte et toutte la bonne compagnie qui
23estoyt assemblée à Larmarin pour l’ouyt des comptes
24de monsieur d’Aubignan, desquelz je m’asseure que monsieur
25de La Coste vous en escripra par ce porteur toutttes
26les particularités, comme celuy qui y a assisté et assiste
27encores, mays ilz auront bien tost faict. Je croy que
28madame de Carssèses et madamoiselle de Vins viendront bien tost
29veoyr monsieur le conte de Sault, car monsieur le conte de Carssès
30m’en asseura quant je partis d’Aix, mesmes de sa nièpce.
31vous aurés lettres de toutz ceux desquelz désirés scavoyr
32des nouvelles, qui me gardera vous faire la présente plus longue
33[v] sy ce n’est pour saluer voz bonnes grâces de mes très humbles
34recommandations comme aussy faict ma femme,
35priant Dieu vous donner
36monseigneur, en très bonne santé, très heureuze, très
37longue et très contante vie. D’Apt, ce XIXe décembre 1572
38Votre très humble et très hobéissant
39nepveu et serviteur
40Baumettes
41S’il plait à madame et à monsieur de La Roche, ilz recepvront
42au pied de la présente mes très humbles recommandations à leurs bonne grâces.
43Monseigneur, je vis à Aix le seigneur collonel Alphonse qui me
44Demanda bien affectionément de voz nouvelles. Je m’asseure
45Qque avés entendu comme le roy luy a donné pouvoyr de faire encores
46Deux milles Corsses et que Viard, secrétère de monseigneur le
47Mareschal de Dampville est allé à Gênes pour obtenir des Genevoys
48Le passaige desdits Corsses.
49